50 Joer Aktivitéit am FC Mamer 32 ginn zu Enn

Op der Generalversammlung vum FC Mamer 32 den 29.01.2021 huet de Richard Teilger seng Demissioun als Member vum Comité ofginn!
 
Hie war de Club de 26.06.1969 als Member am Comité vum Supporter Club Mamer 67.

Seng Lizenz als "Net-Spiller" gouf vun der FLF de 06.09.1970 ausgestallt.

Hie war Sekretär vum SC Comité vum 22.07.1970 bis 1988 a vun 1999 bis 27.01.2017.
Permanente Vertrieder vum SC am FC Mamer Comité vun 1972 bis 27.01.2017.
President vum SC vun 1989 bis 27.01.2017.
Effektive Member vum FC Comité vum 27.01.2017 bis den 29.01.2021.
Vum Januar 2012 bis de Mäerz 2021 huet hien d‘ Comitésrapporte redigéiert.

Richard Tailger:

"No 50 Joer langer benevoler Aktivitéit am Veräin, a schonns am Pensiounsalter, 1941 gebuer, däerf ee sech zeréckzéien!

Et wore schéin, interessant, munchmol beschwéierlech Joren, menschlech wertvoll a Freed an Trauregkeet gouw et och.

Ech soen alle Persoune mat deenen ech je geschafft hu mäin häerzlechste Merci fir vill flott Stonnen zesummen.

E spezielle Merci u meng laangjäreg Compagnonen am Supporter Club.

Wënschen dem FCM eng schéin Zukunft."